ل سالا ٢٠١٤ ئیدارەیا دهوکێ لیژنەیەکا تەکنیکی ژبۆی پرۆژێ نەخشێن جهەکی (Cadastral Maps) پێکئینا داکو هەموو نەخشە ببنە دیجیتالی و داتایێن چەندین رێڤەبەریان بکارئینان، ژ وان ژی داتایێن رێڤەبەریێن ئامار، و گشتوکال، و پلاندانانا جهەکی، و تۆمارکرنا خانوبەران، و باژێرڤانییا، و سەروکاتیا باژێرڤانیا دهوکێ. د هەمان دەمدا، چ یاسا و رێسا دبوارێ پشکدارکرنا داتایا دا نەبوون، ژبەر ڤێ چەندێ ژی پێدڤی ب دارشتنا یاسایەکا بڤی شێوەی بوو بۆ نەخشەکێشانێ و کومکرنا زانیاریان و پشکدارکرنا زانیاریان ل سەر ئاستێن جودا یێن پارێزگەها دهوکێ. ژ لایەکێ دیڤە، داتایێن بەردەست یێن سیستەمێ پێزانینێن جوگرافی (GIS)ل رێڤەبەریان ب بکارئینانا پروگرامێن جودا دهێنە برێڤەبرن، پێدڤیە ب کێمی لسەر ئاستێ حکومەتێ ئەڤ چەندە ژی بهێتە ستاندارکرن و رێکخستن.
بۆ ئەنجامدانا ڤی کاری ژی، پێدڤی ب دامەزراندنا سەنتەرەکێ سیستەمێ پێزانینێن جوگرافی (GIS)ل ئاڤاهیێ پارێزگەها دهوک بوو چونکی هەلویستێ بریاردانێ دێ کاریگەریا گەلەک باش لسەر پروسێسکرنا زانیاری و داتایا و چالاککرنا ڤی سیستەمی هەبیت. زێدەباری، یاسایکرنا داتایێن پشکدارکری ب رێکا پەرەپێدانا سیاسەتەکا تایبەت و بکارئینانا ستانداردکرنا سیستەمێ پێزانینێن جوگرافی (GIS)ل هەمی رێڤەبەریان.
تیما نێڤدەولەتیا MASAR – VNG کۆمبوونەک دگەل کیانێن حکومی ئەنجامدا و جێگرێ پارێزگارێ دهوکێ و ١١ رێڤەبەرێن رێڤەبەریێن دیتر و کەسانێن فەرمی ئامادەی کۆمبوونێ بوون بۆ پێشكێشكرن و ناساندنا پێشنیارا دامەزراندنا سەنتەرەکێ GIS ل ئاڤاهیێ پارێزگەها دهوکێ کو داتایێن هەمی رێڤەبەریێن دهوکێ بخوڤە بگریت. تیما MASARڤەکولینەک ئەنجامدا داکو تەماشای پێدڤیاتی و بارودوخێ پلاتفورما GIS بکەت. ل سەر ڤی بنەمای، یاداشتنامەکا لێکتێگەهشتنێ دگەل پارێزگەها دهوکێ هاتە ئیمزاکرن، و مەسار بریاردا هاریکاربیت د دامەزراندنا سەنتەرێ GIS ل رێڤەبەریێن جودا جودا.
مەسار هاریکاریەکا پتر پێشکێشکر و خولێن ل سەر ئاستێن جودا بۆ ستاف و کادرێ سەنتەری گرێدای ١٥ رێڤەبەریێن شولەژی، ڤەکرن و ئەنجامدان. و یاداشتنامەکا لێکتێگەهشتنا سێ لایەنی دناڤبەرا VNG یا نیڤدەولەتی و پارێزگەها دهوکێ و فەرمانگەها تەکنەلوجیایا زانیاریا یێ ئەنجومەنێ وەزیرانێ حکومەتا هەرێما کوردستانێ هاتە ئیمزاکرن ژ پێخەمەت پێکڤەگرێدانا سەنتەرێ GIS یێ پارێزگەها دهوکێ ب فەرمانگەها تەکنەلوجیایا زانیاریا یێ ئەنجومەنێ وەزیران یا حکومەتا هەرێما کوردستانێ ڤە. زێدەباری، بو کارکرن لسەر سیاسەتێن پشکدارکرن و پاراستنا داتا و زانیاریان دناڤبەرا هەردوو لایەنان ب مەرەما هەبوونا سەنتەرەکێ داتایان یێ کارا و بەردەوام ل پارێزگەها دهوکێ. دمەراسیمەکێ دا و ل ئەیارا ٢٠٢٢ێ، سەنتەر ب فەرمی هاتە ڤەکرن و رادەستی ئیدارەیا دهوکێ هاتەکرن.
جێبەجێکرنا سەنتەرێ GIS کو ئێکەم پرۆژێ ب ڤی جوری یە لسەر ئاستێ هەرێما کوردستان و عیراقێ ب هەماهەنگی بوو دگەل بزاڤێن حکومەتا هەرێما کوردستانێ بو گرتنەبەرا پێنگاڤان بەرەف حکومەتەکا ئەلکترونی بو ساناهیکرنا دابینکرنا پێزانینان بلەز و پاراستنا داتا و زانیاریان.