ئیدارەکرنا قەیرانان ل پارێزگەها دهوکێ

پارێزگەها دهوکێ دکەڤیتە هەرێما کوردستانێ، باکوورێ روژهەلاتا موسل، هەڤسنورە دگەل تورکیا و سووریا، ، و نێزیکی ٤٤٠م ژ ئاستێ دەریایی یا بلندە. قەزایا دهوکێ دگەل پێنج قەزایێن سێمێل، ئامێدی، ئاکرێ، بەردەرەش و شێخان دبنە شەش قەزایێن پارێزگەها دهوکێ.

ژمارەیا ئاکنجیێن پارێزگەها دهوکێ نێزیکی ١.٥ ملیون کەسانە و بەهرا پترا وانا کوردن، و ژمارەکا  بەرچاڤ یا کرستیان و ئێزێدیان، کلدانی و عەرەبی و ئەرمەنان ژی بخوڤە دگریت ژ وان ژی پەنابەر و ئاوارە دناڤدانە. بەراورد کرن دگەل دەڤەرێن دی یێن عیراقێ، دهوک یا هەمەجورە -  د هەردوو بوارێن ئاینی و نەژادی دا. ٦٨٪ یا ئاکنجیێن پارێزگەها دهوکێ ل هەردوو قەزایێن دهوک و سێمێلێ دژین.

ب تایبەت، دهوک و سێمێل ژ هاتنا ئاوارە وپەنابەران روبرووی ئاستەنگان بووینە. د هەمان دەمدا، روبرووی قەیرانێن سروشتی ژی دبن وەک ل زڤستانێ لافاو  ل باژێری ریددەن و ل هاڤینان هەردوو قەزا و دەوروبەر روبرووی ئاگرێن مەزن دبن. ژبەر ڤان هەردوو قەزایان یەکەیەکا بچیک یا ئیدارەکرنا قەیرانان هەبوو یان ژی د رێکخستی نەبوون و چ بەرهنگاری نەبوو.

دهوک و سێمێلێ یەکەیەکا دیاریکری بو سەرەدەریکرن دگەل قەیرانێن سروشتی نینە، هەروەسا هەلسەنگاندنا ئاماژە ب وێ چەندێ کریە کو حکومەتێن خوجهی پلانا ئیدارەکرنا قەیرانان بۆ سەرەدەریکرن دگەل لافاو  یان ئاگربەربوونێ نینە. تاکە یەکەیا فەرمی یا بەردەست بو سەرەدەریکرن دگەل قەیرانان ناڤەندا هاوبەشا هەماهەنگیا قەیرانان (JCC) بوو،  یەکەیەک سەر ب وەزارەتا ناڤخو یا حکومەتا هەریما کوردستانێ ڤە، کو زێدەتر گرنگیێ ب قەیرانێن مروڤایەتی ددەت. د کۆمبوونەکێ دا، ناڤەندا هاوبەشا هەماهەنگیا قەیرانان (JCC)،  MASARئاگەهدارکر کو ئەو قەیرانێن سرووشتی راپورت دکەن، و هندەک جاران پێنگاڤان دگرنەبەر. ناڤەندا هاوبەشا هەماهەنگیا قەیرانان (JCC) ستافەکێ راهێنانپێکری یێ  هەی کو ژ دەرڤەی وەلاتی خولێن گرێدای بەرسڤدانا بلەزا قەیرانان وەرگرتینە.

د دەمێ نوکە دا کو تیما ئیدارەکرنا قەیرانان کارێ خو دکەت، دانوستاندن و هەماهەنگیا دناڤا رێڤەبەریێن دهوکێ دا گەلەک باشترە. زێدەباری، ئەزموونا تیمێ دهێتە کوپیکرن ل سەر ئاستێ هەرێمی. یەکەیا و پلانا ئیدارەکرنا قەیرانان بەردەوامیێ دەتە کارێ و پلانا وان ژلایێ پارێزگەهێ ڤە هاتیە پەسەندکرن.